| ► | يونيو 2011 | ◄ | ||||
| سبت | أحد | إثنين | ثلاثاء | أربعاء | خميس | جمعة |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
ب 20-11-2009 كملتي يا ماما سنتين
ما عملنالك عيد ميلاد لانه انتقلنا على دبي وما إلنا اصحاب فيها
لكن من يومين عملنا عيد ميلاد جماعي 
يوم الجمعة 32.4 كان عيد ميلاد الماما
ويوم السبت عيد ميلاد وليد
صار عمرك يا ماما سنتين ونص و6 أيام
العمر كله يارب
كبرتي وصرتي تحكي مزبوط وبتجاوبي كمان
ما بعجبك شي ما بتعملي ويا ويل الي بزعلك بتقوليله :زعلانه منك لا تحكي معي!!
طبعا ودعنا ايام البامبرز وصرتي تفوتي عالحمام
بشرط لحالك وطبعا ما بسلم الحمام من دش شبه يومي منك !!
سوسو الأمورة طبعا تلفوني دايما معك وبتبعتي مسجات ومس كولات ع كيف كيفك وبتحكيلي هاتي ::موبايلي""
عيني عينك صار تلفوني موبايلك!!
::لولو يا لولو::
هاي صاحبتك وحبيبتك من لما كنتي 3 شهور
طبعا هاي حبيبة ماما كمان لانه بس ما تردي عليي بجيب لولو وبحكيلها يا لولو تعالي اعملي هالشغلة انت مباشرة بتعمليها
حبيبة ماما سوسو
مبارح رحنا مع سيدو على البحر بابا كان بالدوام الله يعطي العافيه
ويا عيني عليكي سبااااحة ماهرة
لدرجه انك فتي البحر لحالكــ
وصرتي بدك تلحقي سيدو
طبعا أجت مويجة (تصغير موجة)ووقعتك
من زمان يا سوسو الأمورة
أكتر من خمس شهور انقطعت فيها عن الكتابة
يمكن ما عندي شي محدد اكتبه ومشغووولة
اقلك عن شقاوتك ودلعك متلا!!
ولا عن تطوراتك!!
المشي تبارك الرحمن صرتي تمشي من اكتر من 6 شهور تقريبا
والحكي ببغااااء..
صباح الورد يا وردة ماما
ماشاءالله عليكي كبرانة
وبلشتي تمشي يا روح الماما
وصايرة ببغاااااااااء
كل كلمة بتعيديها
بس بلهجتك الخاصة
رحنا عند صحابنا وشفتي العصفورة
وسميتيها :عفولة
ولولو يا لولو لعبتك الحلوة
قــــــــــــــــــــــــرب يــا ماما يوم ميلادك
رح يكـــــــــــــــــون يــــ20-11-2008ــــــوم خميـــــــــــــــــــــــــس
وان شاء الله رح اعملك حفلة
صباح الورد على وردة عمري
اليوم بالحضانة كنت بتبكي لأني تركتك
يا ماما يا دلوووعة
انا بحبك
ومو لازم تبكي
يارب ينعاد العيد علينا بكل خير ويمن وبركه
ويجعلك يارب بسمة شفاهنا وفرحة قلبنا
هاد تاني عيد معك
طبعا كنتي مرضانة برمضان اخر اسبوعين
بابا راح اعتكف العشر الاواخر
